Twitter håpar på lesbisk Disney-par
Denne artikkelen er eldre enn 1 år gamal. Det betyr at noko av informasjonen kan vere utdatert.
Tidlegare i år kravde Twitter-brukarane at Disney og Marvel skulle gje hovudroller ein likekjønna kjærast, i twitterkampanjane #GiveElsaAGirlfriend og #GiveCaptainAmericaABoyfriend.
Oppmodingane kan no ha blitt tekne på alvor, melder VG.
LES OGSÅ: Ein kald skulder frå Disney
Etter at Disney Pixar la ut trailaren til filmen «Oppdrag Dory», spekulerer fleire i om det kvinnelege paret i trailaren kan vere Disney Pixar sitt første lesbiske par, skriv VG.
I trailaren er paret i ein park med ei lita jente i vogn. Jenta mister koppen, og det er to mødrer som plukker den opp att. Både USA Today og The Guardian spekulerer i om mødrene kan vere eit lesbisk par.
Ifølgje VG har ikkje Disney Pixar kommentert saka sjølv, men den har blitt diskutert på Twitter.
I ein kommentar på nettstaden The Frisky skriv Liz Magee at ho håper dette er eit steg mot aksept og feiring av det homofile miljø i Disney.
LES OGSÅ: Disney-prinsessene sitt snakkeproblem
