NASA håper på Star Wars-effekt
Denne artikkelen er eldre enn 1 år gamal. Det betyr at noko av informasjonen kan vere utdatert.
Astronautane på Den internasjonale romstasjonen kan nesten ikkje venta på å få sendt opp den siste Star Wars-filmen frå Disney, ifølgje ein artikkel på NASA.gov.
No lines for #StarWars but we do have to wait for it to get to @Space_Station Soon. Patience we must have, padawans! pic.twitter.com/qt9QiGrXuk
— Scott Kelly (@StationCDRKelly) 17. desember 2015
– Viss du kan tenkja deg å bli ein «sky walker» sjølv ein dag, så tar NASA i mot søknader til å bli astronaut, seier Scott Kelly, stasjonssjef på romstasjonen. Han presenterer fleire Star Wars-relaterte grunnar for kvifor fleire bør søkja om å bli astronaut.
LES OGSÅ: Han har gjort verdsrommet kult igjen
Likskapane mellom livet på romstasjonen og Star Wars er fleire, ifølgje den amerikanske romfartsorganisasjonen.
Robot 2 er Den internasjonale romstasjonen sin eigen R2. Foto: NASA
Romstasjonen bruker verkelge droidar og ion-motorar. NASA har sett planetar med to soler som Tatooine, og ein måne som liknar uhyggeleg på Dødsstjerna frå den mørke sida.
QUIZ: Kva veit du om verdsrommet?
Astronauten Kjell Lindgren twitra nyleg om forbløffande likskap mellom romstasjonen og kuppelen til cockpiten i ein Imperial TIE Fighter:
Just taking the tie fighter for a spin. pic.twitter.com/6ezaXpbgd3
— Kjell Lindgren (@astro_kjell) 1. desember 2015
