Ingen land får klima-gull
Denne artikkelen er eldre enn 1 år gamal. Det betyr at noko av informasjonen kan vere utdatert.
Ingen land får klima-gull
Ingen land er verdig førsteplassen, og heller ikkje andre- og tredjeplassen, ifølgje den årlege rapporten Climate Change Performance Index. Dermed må det beste klimalandet i verda, Danmark, nøye seg med ein fjerdeplass. På den neste plassen kjem Storbritannia, deretter Portugal, Sverige, Sveits, Malta og Frankrike.
LES OGSÅ: – Prisen for å nå togradersmålet er beskjeden
Sinka Saudi-Arabia
Noreg hamnar på 24. plass, mellom Luxembourg og Slovenia, av i alt 61 land. Saudi-Arabia har sisteplass, men også land som Canada, Australia, Estland, Russland og Hellas hamnar i det nedre sjiktet, der klimainnsatsen blir vurdert som svært dårleg.
At dei tre øvste plassane står tomme, er symbolet klimarørsla bruker for å vise at landa i verda ikkje gjer nok for å stogge klimaendringane.
LES OGSÅ: Noreg best budd på klimaendringar
Driftige danskar
Rapporten er offentleggjort i samband med det årlege FN-klimamøtet, som startar i Perus hovudstad Lima tysdag.
Det er tredje år på rad at Danmark hamnar på klimatoppen. Ein viktig grunn er den danske satsinga på klimavennlege energiløysingar.
Rapporten er laga av Climate Action Network Europe og German Watch. (©NPK)
Faktaboks
Dei beste klimalanda i 2014:
1. (tom)
2. (tom)
3. (tom)
4. Danmark
5. Storbritannia
6. Portugal
7. Sverige
8. Sveits
9. Malta
10. Frankrike
Dei verste klimalanda i 2014:
1. Saudi-Arabia
2. Kasakhstan
3. Iran
4. Canada
5. Australia
6. Russland
7. Estland
8. Tyrkia
9. Korea
10. Kina
